Поверочная лаборатория по поверке оборудования для диагностики слуха

2013 жылдың тамыз айынан бастап, Орталық құрылымында Қазақстан Республикасында тіркелген және өлшем құралдары болып табылатын, есту қабілетін диагностикалауға арналған құралдардың (аудиометриялық құралдар) барлық түрлерін тексеру бойынша тіркелген метрологиялық қызмет (Тексеру зертханасы) жұмыс істей бастады.

Орталықтың Тексеру зертханасы 2013 жылдың 15-шілдесінде өлшеу түрінің ҚР СТ «Акустикалық өлшеу. Өлшеу түрінің коды 12» классификаторына сәйкес берілген KZ.П.02.1402 Аккредитациялау аттестатының негізінде қызмет атқарады. 

Аудиометриялық құралдарды (өлшем құралдары) жоғары білікті мамандар – тексеру зертханасының «акустикалық өлшемдерді өлшеу құралдарын тексеруші» біліктілігі бар тексерушісі, сондай-ақ өндіруші зауыттарда өлшем құралдарын  тексеру, жөндеу және сервистік қызмет көрсету бойынша қосымша кәсіптік білім алған мамандар тексереді.

Тексеру тәсілдерінің талаптарына, сондай-ақ Қазақстан Республикасының техникалық реттеу және аудиометриялық құралдарының өлшеу бірлігін қамтамасыз ету туралы заңнамасына сәйкес өлшеу құралдары Қазақстан Республикасында бекітілген метрологиялық және техникалық талаптар мен стандарттарға сәйкестігін нақтылау үшін жыл сайын міндетті түрде тексерілуге тиісті. 

Дәрігердің есту қабілетін аудиометриялық құралда диагностикалау кезінде қоятын аңғарымның дәлділігі мен дұрыстығы жыл сайынғы тексерістен өткен және өлшем құралының берілген түрімен калибрленген аудиометриялық құралдың дәл жұмысына байланысты болады. 

Тексеру зертханасының меңгерушісі Аханбаев Дархан Быржанович, тел: (727) 3958340, email:  Бұл e-mail спам-боттардан қорғалған, оны қарау үшін Сізде Javascript қосулы болуы керек